ՍԵԼՏԱ - ՎԱԼԵՆՍԻԱ՝ 1:1. «ՎԱԼԵՆՍԻԱՆ» ՈՉ-ՈՔԻ ԽԱՂԱՑ ՎԻԳՈՅՈՒՄ

Իսպանիայի առաջնության 18-րդ տուրի շրջանակում Բալաիդոս մարզադաշտում կայացավ Սելտա - Վալենսիա հանդիպումը:

Թիմերը մեկական գնդակ խփեցին. 43-րդ րոպեին աչքի ընկավ Ռոդրիգոն, իսկ 61-րդ րոպեին Ֆաբիան Օրելյանան վերականգնեց հաշվի հավասարությունը: Նշենք, որ դեռ 28-րդ րոպեին Օրելյանան կարող էր առաջ մղել դաշտի տերերին, սակայն Դիեգո Ալվեսը հետ մղեց նրա 11 մետրանոց հարվածը:

Այս խաղից հետո «Վալենսիան» ունի 35 միավոր և շարունակում է զբաղեցնել մրցաշարային աղյուսակի 4-րդ հորիզոնականը:

Սելտա - Վալենսիա՝ 1:1
Գոլերը՝ Ռոդրիգո 43 - Օրելյանա 61